Gipangandaman karon sa buhatan sa Traffic Management Center (TMC) sa Malaybalay ang ipahigayon nga training sa float ug street dancing competition kini kabahin sa Kaamulan Festival, nga magsugod karong Marso 26, 2026.
Sa eksklusibong pakighinabi sa Juander Radyo Malaybalay, gipadayag ni Agustin O. Cepeda, TOO III sa Traffic Management & Law Enforcement, nga ang maong pagbansay pagabuhaton gikan Marso 26 hangtod 31 ug ipadayon usab sa Abril 6 hangtod 11.
Sumala pa, kabahin kini sa preparasyon aron masiguro nga hapsay ug organisado ang mga kalihokan ilabina sa float parade ug street dancing presentationsm, alang sa koordinasyon ug kahapsay sa dagan sa kalihokan samtang gipaabot ang pagdagsa sa mga partisipante ug bisita sa dakbayan.
Dugang pa ni Cepeda, mokabat sa 40 ka personahe ang magtinabangay sa pagdumala sa trapiko, ilabina sa rota gikan Sumpong padulong sa Plaza Rizal, diin ipatuman ang rerouting kung adunay mga pagbansay
Gipasidan-an usab ang publiko nga sundon ang mga lagda sa trapiko, lakip ang hustong pagparking, pag-amping sa pagmaniho, ug pagsul-ob og helmet, samtang ang mga malapason pagatikitan aron mapadayon ang disiplina ug kahapsay sa dakbayan
Photo Courtesy: TMC Malaybalay
