Gipangunahan mismo sa CEO/ President sir Richard Soriano Villaronte uban sa iyang kapikas, ang first Quarter activity sa RSV Group of Companies. Ang Outreach Program alang sa mga Persons with Disability (PWD) nga adunay tema: Connecting Lives, Making a Diffrence.
Gipahigayon ang maong kalihokan sa Bukidnon Breeze, Sumpong Malaybalay City, March 25, 2026. Diin mokabat sa 120 ka benepisyaryo ang nakadawat sa mga groceries ug hygiene kits nga nagkantidad og Php1,000 matag isa. Aron masiguro nga ang labing nanginahanglan nga mga miyembro sa komunidad mobati nga gihatagan og bili ug gisuportahan.
Si ma’am Michelle L. Timones PDAO IV, CMO- Person with Disability Affairs Division. “ Thankful and grateful” matod pa kini, nga napili ang ilang buhatan nga matunolan sa kinakasing nga serbisyo publiko. Makita usab sa tagsa-tagsa ka benepisyaryo ang kalipay human madawat ang gasa.
Ang outreach program kabahin sa mas lapad nga serye nga inisyatibo alang sa komunidad nga gipangulohan sa RSV Group of Companies, pinaagi sa makanunayon nga suporta nga may kalabutan sa kahimsog, edukasyon, ug kaayohan sa katilingban.
Kini nga kalihokan, usa ka mantra sa RSV Group of Companies nga nagtumong sa paghatud sa tinuoray nga serbisyo publiko og isip pagpasalamat sa mga listener ug customers nga walay puas ang suporta.
