Nagsugod na kagahapong adlawa, Marso 25, 2026, ang pormal nga pagdungog sa kasong impeachment batok kang Bise Presidente Sara Duterte sa House Committee on Justice.
Bisan pa sa wala pagtambong sa Bise Presidente, gipadayon sa komite ang pagpresentar sa mga ebidensya ug testimonya gikan sa mga complainant. Ang mosunod ang mahinungdanong detalye sa pagdungog:
Giila sa komite nga “sufficient in form and substance” ang duha ka impeachment complaints base sa giingong paglapas sa konstitusyon ug sayop nga paggamit sa gahum.
Nagpadala og opisyal nga tubag ang kampo ni Duterte pinaagi sa iyang legal team, diin gihangyo nila nga ibasura ang mga kaso tungod sa kakuwang sa lig-ong basehan.
Sumala ni Committee Chair Gerville Luistro, magpadayon ang proseso subay sa mando sa Konstitusyon bisan wala ang Bise Presidente.
Gilauman nga magdugay pa ang pagdungog samtang gihan-ay ang mga dokumento ug testimonya sa mga saksi. Kon makakita og igong ebidensya, isumite sa komite ang report ngadto sa plenaryo sa Kamara alang sa botasyon kon idayon ba ang impeachment trial sa Senado.
Photo courtesy: Sunstar
