Niresulta sa dakong trahendya ang paghagsak sa usa ka C-130 Hercules military transport plane sa Colombian Air Force sa Purto Leguizamo, Putumayo. Matod sa gobernador sa rehiyon nga dili moubos sa 34 ka mga indibidwal ang nakalas samtang sobra 110 nga mga sundalo ug sibilyan ang sakay sa eroplano.
Nahagsa kini pila ka minuto gikan sa paglupad niini nga niresulta sa dakong sunog nga nagpasamot sa sitwasyon.
Dali nga niresponde ang mga residente, militar, ug emergency teams aron luwason ang mga pasahero ug palungon ang kayo samtang dinosenang mga indibidwal ang samaran nga gidala sab sa tambalanan.
Padayon ang imbestigasyon sa mga awtoridad aron maila ang hinungdan sa aksidente nga niresulta sa mga pangutana mahitungod sa kaluwasan ug maintenance sa karaan nga fleet sa militar sa Colombia.
Ang maong aksidente ang usa sa labing dako nga pagkahagsa sa eroplano sa nasud sa nilabay nga katuigan nga naghatag og kabalaka sa operasyon sa suok nga bahin sa Amazon region lakip ang hulga sa paspas nga pagresponde panahon sa emerhensiya.
Photo Courtesy:Irish Mirror
