Gipaningkamutan sa kagamhanan sa Probinsiya sa Sugbo nga mahimong komportable ang mga pasahero sa panahon sa semana santa.
Matod ni Cebu Bus Terminal Administrator Ahmed Cuizon nga ang maong lakang subay sab sa kamanduan ni Cebu Gov. Pamela Baricuatro nga himuong hamugaway ang kasinatian sa mga pasahero sa panahon nga kini sila magpaabot sa ilang kasakyan ngadto sa mga terminal sa Sugbo.
Pag-awhag sab niini ngadto sa mga gustong mobyahe atol sa Semana Santa taliwala sa gilauman nga pagdagsa sa mga pasahero nga mosayo sa pag-adto sa terminal aron nga sayo sab nga makasakay ug mapahimutang.
Dugang niini nga wala na gigamit sa kagamhanan ang mga satellite terminals gumikan tan-aw niini nga mamahimo ra sa pag-akomodar sa nag-una nga mga terminal ang gilaumang gidaghanon sa mga pasahero atol sa Semana Santa.
