Anaa na sa 403 nga mga gasolinahan sa tibuok nasud ang kasamtangang nanira taliwa sa nagpadayon nga pagsaka sa presyo sa lana.
Matod ni Philippine National Police (PNP) Spokesperson PBGen. Randulf Tauaño nga ang maong giingong gidaghanon nisaka gikan sa 273 nga natala niadtong milabay nga semana.
Nunot niini, gipaabot sa PNP ang giingong listahan ngadto sa Department of Energy (DOE) aron ilhon kung ang giingong pagsira sa mga gasolinahan adunay kalambigitan sa hoarding o pagtago og suplay.
Sa kinatibuk-an, anaa sa sobra 14,000 nga gasolinahan ang kasamtangang gimonitor sa PNP sa tibuok nasud.
Nasayran nga aduna na sab gipasakahan og kaso subay sa illegal nga pagpaninda og lana, hoarding, ug profiteering sa Nueva Vizcaya, Eastern Samar, ug Albay.
Photo Courtesy: Rest of the World
