Sulod sa daghang katuigan, nag-antos si Sanju Bhagat gikan sa India sa dako kaayong tiyan nga nakahatag kaniya og kalisod sa pagginhawa ug walay hunong nga kahasol. Abi sa kadaghanan, lakip na sa mga doktor, usa kini ka dako nga tumor nga nagtubo sa iyang sulod.
Apan sa dihang gi-operahan na siya sa Tata Memorial Hospital sa Mumbai, dunay nadiskobrehan ang mga doktor nga lisod kaayo tuohan.
Sa sulod sa iyang tiyan, naay nakit-an nga lawas sa tawo nga wala hingpit naporma- usa diay kini ka kaluha nga wala nakatubo.
Nadiskobrehan nga si Bhagat adunay talagsaon kaayo nga kondisyon nga gitawag og Fetus in fetu. Mahitabo kini kung ang usa ka kaluha maputos sa sulod sa iyang igsuon samtang anaa pa sa tagoangkan.
Sa iyang kaso, ang kaluha nagpabilin sa sulod sa iyang lawas sulod sa kapin 30 ka tuig, ug nabuhi pinaagi sa pagsuyop sa iyang dugo. Nagmalampuson ang operasyon, ug kani nga hitabo nakapakugang sa tibuok kalibutan sa medisina.
Nagpamatuod kini nga ang kamatuoran mas katingalahan pa kaysa sa bisan unsa nga atong mahunahunaan.
Photo Courtesy: Onlymyhealth
