Gikadismaya ni First District Board Member Shiela Cagas ang insidente sa pagpanaway ug cyberbullying batok sa usa ka ALS graduate nga mikatag sa social media.
Atol sa iyang privilege speech sa Sangguniang Panlalawigan, gipahayag ni Cagas nga dili angay mahimong basehan sa paghusga ang educational background, ug giingong ang Alternative Learning System usa ka ikaduhang higayon alang sa mga wala nakapadayon sa formal nga edukasyon.
May kalabutan kini sa viral nga isyu kang Jay Caren Bucol sa Barangay Tres de Mayo, nga nabatikos human mikaylap ang iyang personal data sheet o PDS sa social media.
Gipunting ni Cagas ang posible nga paglapas sa Data Privacy Act of 2012 ug gihagit ang Civil Service Commission ug ubang ahensya sa pag-imbestigar aron mapanubag ang responsable sa pag-leak sa confidential nga dokumento.
Gi-awhag usab niya ang publiko nga undangan ang pagpanaway ug respetohon ang dignidad sa matag indibidwal, ilabina sa mga ALS graduates.
