Gipasidunggan isip “Woman of the Year” sa Billboard Philippines ang Asia’s Songbird nga si Regine Velasquez-Alcasid atol sa “Women in Music” event sa Manila.
Sa iyang emosyonal nga mensahe, gipadayag ni Regine nga sa edad pa lamang nga lima ka tuig, nakadesisyon na siya nga mahimong singer human makasinati sa kusog nga palakpakan sa usa ka singing contest nga iyang giapilan.
Matod pa niya, dako ang nausab sa iyang kinabuhi tungod sa industriya, lakip na ang pagtuman sa damgo sa iyang amahan nga makalibot sa kalibutan.
Gipahinumduman usab niya ang bag-ong henerasyon sa mga artista nga mangandoy og dako ug maningkamot, tungod kay moabot ang ilang panahon. Nagtapos si Regine sa pagpasalamat ug paghatag sa tanang himaya ngadto sa Diyos.
Photo Courtesy: ABS-CBN wiki-fandom
