Misulay og humanoid robots ang McDonald’s sa usa ka outlet sa Shanghai, China aron motabang sa pagserbisyo sa pagkaon, pag-abiabi sa kostumer, ug pakig-interact sa mga diner.
Makita sa mga video nga ang mga robot, nga nagsul-ob og uniporme sa McDonald’s, maoy naghatod sa pagkaon ug nagbuhat sa mga buluhaton nga kasagarang ginahimo sa empleyado, samtang ang mga bata malipayong nakigduwa ug nakig-interact niini.
Ang maong teknolohiya gikan sa Keenon Robotics isip kabahin sa ilang pagpalapad sa humanoid service technology.
Sa pagkakaron, wala pa gikompirma sa McDonald’s kung palapdon ba ang pilot testing, samtang nagpadayon ang pag-uswag sa automation sa mga negosyo sa tibuok kalibutan.
Photo Courtesy:WATERCOOLER
