Nakahimo og flashlight ang usa ka dalaga sa Canada, nga dili na kinahanglan og baterya, kuryente. Tungod kay i- charge kini gamit ang kainit sa lawas. Nakahatag kini og inspirasyon tungod sa panahon nga nagkataas ang presyo sa enerhiya ug nagkakulang ang suplay sa krudo sa kalibutan.
Naila ang maong imbentor nga si Ann Makosinski, nga nahimo sa gitawag niyang Hollow Flashlight, usa ka suga nga mosiga gamit lang ang kainit sa lawas sa tawo.
Kahibaloan nga gigamit niya ang Thermoelectric effect, diin ang kalainan sa kainit tali sa sulod ug gawas sa flashlight maoy gihimong enerhiya aron mapasiga ang gamay nga LED light. Kung kuptan sa kamot ang flashlight, ang kainit sa lawas maoy mopagana niini.
Nakahimo siya sa maong imbensyon human niya mahibal-an nga ang lawas sa tawo makaproduce og kainit nga halos parehas sa usa ka 100-watt nga bombilya, ug human usab niya mahibal-e nga daghang lugar sa kalibutan ang walay kasaligan nga suplay sa kuryente.
Niadtong 2013, nidaog si Makosinski sa Google Science Fair, diin nakuha niya ang top prize sa iyang age group ug nakadawat og $25,000 nga scholarship ug internasyonal nga pag-ila.
Photo Courtesy: The Westcoast Reader
