Gisang-at ni kanhi senador Antonio Trillanes IV ang mga reklamo sa cyber libel ngadto sa Department of Justice (DOJ) niadtong Lunes batok sa 18 ka ex-Marines ug sa mga host sa SMNI nga giingong mihimo og mga pamahayag mahitungod sa mga maleta nga adunay sulod nga kwarta nga giingong gituyo alang sa mga personahe sa International Criminal Court (ICC).
Naglakip sa mga respondents sila ni Belnard Tube, Rosebert Waupan, Benny Bulontate, Johnny Buduan, Rodante Orbillo, Reyneboy Julian, Christopher Esquivel, George Villalon, Jr., Romeo Rommel Bobares, Gil Navidad, Jr., Anselmo Taberdo, Joely Cadioa, Rommel Galapon, Cecilio Larroder, Fi Crisantie Bernardo, Jr. Manalansan.
Lakip usab sa reklamo mao ang SMNI hosts Byron “Banat By” Cristobal, Oliver “Coach Oli” Cristobal, “Master Judea” ug Arjay “Pareng Arjay” Piodina.
Dugang sa kanhi senador nga sa umaabot mga semana, labing menos lima sa iyang kanhi mga kauban sa Marine ang mopadayag sa kamatuoran. Nagtuo si Trillanes nga pipila sa 18 ka mga kanhi sundalo ang mobakwi sa ilang mga testimonya.
Si Trillanes una nang nisang-at kaniadto og perjury complaints batok sa 18 ka mga kanhi sundalo ug cyberlibel complaints batok kang Baligod, kanhi kongresista Mike Defensor, kanhi broadcaster Jay Sonza, kanhi NTF-ELCAC spokesperson Lorraine Badoy, ug vlogger Cathy Binag
Photo Courtesy: Senator Antonio Trillanes IV
