Nakubkuban sa mga tropa sa 403rd Infantry (Peacemaker) Brigade ubos sa 4th Infantry Division ang mga gitagong high-powered firearms sa mga rebeldeng CPP-NPA Terrorist (CNT) didto sa kabukiran sa Impasug-ong, Bukidnon.
Ang operasyon gipahigayon sa 1st Special Forces Battalion niadtong Marso 15, 2026, human nakadawat og impormasyon gikan sa usa ka kanhi tigsuporta sa mga rebelde. Tungod niini, nadasig ang kasundalohan nga mas pahugtan pa ang ilang seguridad sa Sitio Ananaso, Barangay Kalabugao aron hingpit nga mapatunhay ang kalinaw sa dapit.
Lakip sa mga narekober mao ang usa ka Elisco M16A1 rifle diin giwala ang serial number ug usa ka Elisco M653 carbine nga anaa pa sa maayong kondisyon. Segon sa taho, ang maong mga armas daling gidala sa headquarters sa 1st Special Forces Battalion alang sa saktong disposisyon.
Kini nga pagkadiskubre giisip nga usa ka dako nga hampak sa demoralisadong grupo sa mga rebelde nga padayon nang nangaluya tungod sa walay hunong nga operasyon sa gobyerno.
Gidayeg ni Brigadier General Seigfred C. Tubalado, Commander sa 403rd Brigade, ang kooperasyon sa komunidad ug sa mga kanhi miyembro sa rebelde nga mibalik na sa sabakan sa balaod
Photo Courtesy: 403rd IB PA
