Mahimong ideklarar sa kataposang semana sa Marso ang pagsugod sa ting-init, sumala sa Philippine Atmospheric Geophysical and Astronomical Services Administration (Pagasa), uban sa hinay-hinay nga paghuyang sa amihan o northeast monsoon.
Sumala sa state weather bureau, ang bugnaw nga hangin sa amihan nagkahuyang nga usa ka timaan nga ang init ug uga nga panahon nagkaduol na. Dugang niini nga posible nga ideklarar ang opisyal nga pagtapos sa amihan ug ang pagsugod sa ting-init sa sunod semana.
Sa pagkakaron, duha ka sistema sa panahon ang nakaapekto sa nasud nga mao ang amihan ug ang easterlies o init nga hangin nga gikan sa Kadagatang Pasipiko.
Bisan pa niini, ang mga ulan masinati gihapon sa pipila ka bahin sa nasud, labi na sa Caraga ug sa habagatang bahin sa Leyte, nga gipahinabo sa mga cloud band.
Samtang, ang kinatibuk-ang tin-aw nga panahon gilauman sa nahabilin nga bahin sa nasud.
Photo Courtesy: Google
