Sikop ang usa ka lalaki human kining nasakmitan ug iligal nga drogang shabu pinaagi sa gilunsad nga drug buy-bust operation sa kapulisan sa Purok 3, Brgy. Linabo, Dapitan City, Zamboanga Del Norte niadtong Marso 20, 2026.
Giila ang dinakpan nga si alyas Gong-gong, 29-anyos, ulitawo ug residente sa Purok Malinawon, Brgy. Cawa-cawa sa nahisgotang dakbayan.
Nasakmit gikan sa suspetsado ang mokabat sa 4 ka gramo sa shabu nga nagkantidad ug Php27,200.00 lakip ang mga drug paraphernalias ug non-drug items.
Balhog sa selda sa Dapitan City Police Station ang dinakpan ug mag-atubang sa kasong paglapas sa Ra 9165 kon Comprehensive Dangerous Drugs Act of 2002. Samtang ang mga narecover nga mga ebidensya gi-turnover ngadto sa Zamboanga Del Norte Provincial Forensic Unit alang sa eksaminasyon.
Photo Courtesy: Dapitan CPS
