Gihangyo sa Provincial Veterinary Office sa lalawigan sa Misamis Oriental ang tanang Misamisnon nga magbuhi lamang og mga hayop nga makayang atimanon. Kini aron mapugngan ang pagdaghan sa mga laaw ug pag-abandona sa mga mananap nga mahimong hinungdan sa disgrasya sa kadalanan ug perwisyo sa uban.
Matod ni Doc. James Bautista, Veterinary IV sa probinsya, nga ang pagbuhi sa hayop dili lang responsibilidad kundili usa ka obligasyon nga nagkinahanglan og hustong pag-atiman, pagkaon, ug seguridad.
Dugang pa ni Doc. Bautista nga ang mga hayop nga pasagdan mahimong makadaot dili lamang sa komunidad kundili usab sa ilang kaugalingong kahimtang.
Photo courtesy: Provincial Veterinary Office -MisOr25
