Padayon ang normal nga operasyon sa kadaghanang pampublikong transportasyon lakip ang bus, taxi, ug TNVS sa lain-laing lugar karong adlawa sama sa Camiguin, Iligan, Gingoog, Cagayan de Oro ug Misamis Oriental, ingon man sa Misamis Occidental ug Bukidnon segon sa Land Transportation Franchising and Regulatory Board LTFRB Region X.
Taliwala matod pa sa Transportation holiday nga gipahigayon sa ubay-ubay ka transport group karong adlawa, daghan pa gihapon nga transport cooperative sa Cagayan de Oro, ang nagpadayon sa pagpamasada.
Apan giangkon sa ahensya nga dili susama sa normal nga adlaw, mabati gihapon sa mga commuters karon ang kakuwang sa mga pampasahero nga sakyanan.
Giawhag ang publiko nga magplano daan sa ilang biyahe ug magpadayon sa pagmonitor sa mga opisyal nga anunsyo.Gitanyag usab karon ang libreng sakay sa Lokal nga Panggamhanan sa Cagayan de Oro.
