Gipahunong sa defending champion nga National University (NU) Bulldogs ang sunod-sunod nga kadaugan sa Far Eastern University (FEU) Tamaraws sa UAAP Season 88 men’s volleyball pinaagi sa iskor nga 28-26, 17-25, 24-26, 25-11, 15-8 nga niadtong Domingo sa Smart Araneta Coliseum sa Quezon City.
Nanguna sa score si Leo Ordiales nga naka-career high 30 puntos ug si Michaelo Buddin nga naka-25 puntos. Si Jade Alex Disquitado nakatampo og 12 puntos, samtang si libero Jimwell Gapultos, nakatapos og 12 receptions ug 11 digs.
Giingon ni NU coach Dante Alinsunurin nga sa fourth ug fifth sets, gisunod balik nila ang systema nga nakahatag og kadaugan.
Sunod nga duwa sa NU mao ang pakigbatok sa Ateneo de Manila University sa Marso 28 sa University of Santo Tomas Quadricentennial Pavilion.
Sa laing duwa, nakabawi ang University of the Philippines Fighting Maroons, gipilde ang University of the East Red Warriors, 25-22, 23-25, 25-23, 25-20, nga nagpalambo sa record sa University of the Philippines ngadto sa 3-6.
Photo Courtesy: PNA
