Hugot karon nga gimonitor sa Bukidnon Provincial Police Office (BPPO), uban sa Department of Trade and Industry (DTI) ug Department of Energy (DOE), ang mga presyo sa petrolyo sa tibuok lalawigan sa Bukidnon.
Sa exclusive pakighinabi ning sibyahan, gibutyag ni Police Captain Shela Joy Hangad, ang spokesperson sa BUKPPO, nga tumong sa maong “random inspection” mao ang pagsiguro nga walay pagpamintaha nga mahitabo taliwala sa sige nga pagsaka sa presyo sa lana.
Matod niya ang katuyoan sa maong pag monitoring aron Siguraduhon nga nagsunod ang mga gasoline station sa saktong presyo ug dili magpataka og pausbaw.
Kay kung pananglit mapamatud-an nga nakalapas mag-atubang og kaso nga ipasaka sa DTI ug DOE. Dugang pa ni Captain Hangad, magpadayon kini nga operasyon sa tibuok probinsya aron mapanalipdan ang katungod sa mga konsumidor.
Nanawagan usab ang kapulisan sa publiko nga i-report dayon kanila kung adunay mamatikdan nga mga abusadong tag-iya og gasoline station aron mahatagan og dinaliang aksyon.
Photo Courtesy: DTI
