Gilusad sa GCash ang Pera Coach, ang pinakaunang AI-powered financial coach sa Pilipinas nga anaa sulod sa usa ka e-wallet, aron mas masabtan sa mga Pilipino ang sistema sa panalapi.
Pinaagi sa tabang sa Microsoft ug gamit ang enterprise-grade AI, ang financial coach makig-istorya gamit ang nagkalain-laing dialekto sama sa English, Tagalog, Cebuano, ug Hiligaynon aron mas dali kining masabtan sa mga Pilipino.
Ang Pera Coach motubag sa mga pangutana sa user bahin sa financial goals, budget, risk appetite, ug mohatag og giya nga personalized sa matag yugto sa ilang financial journey.
Bisan pa man og adunay pag-uswag sa financial inclusion sa nasod niining milabayng mga tuig, limitado pa gihapon ang katakos sa kadaghanan sa paggamit og husto sa mas lapad nga serbisyo sa panalapi sama sa insurance ug investments.
Dako ang epekto sa kakuwang sa financial literacy sa ubos nga adoption tungod kay daghang Pilipino ang walay klaro ug kasaligang giya. Sumala sa 2021 survey sa Bangko Sentral ng Pilipinas (BSP), duha ka porsyento (2%) lamang sa mga hamtong nga Pilipino ang nakatubag og husto sa unom ka nag-unang pangutana sa financial literacy.
Tinguha sa Pera Coach nga tubagon kining mga hagit pinaagi sa paghatag og akses sa klaro ug haom nga edukasyon sa panalapi sulod sa platform nga gigamit sa minilyon ka mga Pilipino matag adlaw.
Matod ni Mynt Group Head of New Business Winsley Bangit, ang financial literacy dili angay nga makahadlok o lisod kab-oton. Sa Pera Coach nga direktang integrated sa GCash ecosystem, makadawat ang mga Pilipino og real-time guidance nga praktikal, haom sa sitwasyon, ug daling masabtan, nga makatabang kanila sa paghimo og mas masaligang desisyon sa panalapi.
Dugang pa niya, bisan ang inadlaw-adlaw nga mga gutlo sama sa pagdesisyon kon pilay i-gahin alang sa weekly budget, pagtandi sa nagkalain-laing savings accounts, o pagpili og potensyal nga stock, mamahimong makahulma sa long-term nga resulta, ug buot nila nga suportahan ang mga users niining mga higayon.
Photo courtesy: Gcash/ Facebook
