Kung nagtuo ka nga ang pagkalot og lubong kay hilom ug seryoso lang nasayop ka tungod kay aduna kini kompetisyon sa Hungary!
Matag tuig, ginapahigayon didto ang International Grave Digging Championship, diin nagtigi ang mga tigkalot og lubong gikan sa nagkadaiyang nasod aron mahimong “pinakapaspas ug pinakahanas” nga mangalutay.
Sa kompetisyon, kinahanglan makakalot ang matag team og lubong nga 2 metros ang gitas-on, 80 sentimetros ang gilapdon ug 1.6 metros ang giladmon sulod lang sa duha ka oras—ug human ana, ibalik pa gyud nila ang kapin 2.5 ka toneladang yuta aron mahimong limpyo ug presentable ang lubong.
Dili lang kusog ang labanan—apil pud ang paspas, pino nga trabaho ug nindot tan-awon nga finishing.
Sa pinakabag-ong kompetisyon, nidaog pag-usab sa team gikan sa Hungary ang kampyonato human nila mahuman ang ilang trabaho sa 1 oras ug kapin 30 minutos nga sama kadali sa pananom og kamote.
Apan ang pinakataw-anan, Ang team gikan sa Russia napildi ug giingon nga ang hinungdan mao ang init nga kaayo nga panahon nga naka apekto ilang performance.
Bisan pa man, ang tumong sa kompetisyon mao ang paghatag og respeto sa trabaho sa mga tigkalot og lubong—kay dili lang diay kusog ang kinahanglan, kundi apil pud ang kalig-on sa kaugalingon og determinasyon.
Busa kung pangutan-on ka kung unsay sport nga dili nimo gusto sulayan, basin makaingon ka kini na ang sport nga dili nimo gusto kay dili lang ka panington og taman, makahunahuna paka kong basin sa sunod ikaw nay ilubong sa imong kinalot.
Photo courtesy: Oddity Central
