Posibleng mabilanggo ug makamulta ug kapin milyon ang mga Pilipino nga gipangdakop sa nasud sa United Arab Emirates. Gipahibalo sa Philippine Embassy sa Abu Dhabi nga kasamtangan sila ga-assist sa mga Pilipino nga gipangdakop sa UAE tungod sa ilang pag-post og content online kabahin sa mga strikes sa Middle East.
Segon sa Embassy nga giubanan nila ang pamilya sa mga nadakpan ug andam sila motabang sa ilang legal nga depensa. Gipahimangnoan usab nila ang tanan Pilipino sa UAE nga mag-amping sa social media, ug likayan ang pag-post, forward, o comment sa dili pa sigurado o delikado nga mga impormasyon.
Sumala ni David Sanchez sa Bayan Middle East, tulo ka Pilipino ang nadakpan na. Strikto matod pa ang UAE sa pagkuha og videos ug litrato, labi na kung sensitive ang lugar o panghitabo, bisan wala pa’y giyera.
Ang mga Pilipino nga nadakpan anaa sa kustodiya sa mga otoridad sa maong nasud ug posibleng mabilanggo ug 1 ka tuig ug multa nga 100,000 UAE Dirham o 1.6 milyon pesos.
