Gianunsyo sa International Energy Agency (IEA) nga ila nang i-release ang strategic oil reserves sa Asia ug Oceania aron matabangan ang pagtaas sa presyo sa krudo tungod sa gubat sa Middle East.
Ang mga stock sa Amerika ug Europe sugdan ipagawas karong katapusan sa Marso. Gibana-bana nga anaa sa 271.7 milyon ka barrels sa oil stocks ang giandam nga ipagawas para sa tibuok kalibutan. Kini ang ika-unom nga emergency release sa kasaysayan sa IEA, ug unang higayon sukad sa gubat sa Russia ug Ukraine sa 2022.
Bisan pa sa pagpagawas sa mga stock, nagpabilin gihapon nga taas ang presyo sa krudo, diin anaa sa $100 kada barrel, gikan sa $70 sa wala pa magsugod ang gubat.
Ang IEA nagpasabot nga ang pinaka-importanteng lakang aron makunhoran ang presyo mao ang pag-abli unta sa Strait of Hormuz, nga gi-babagan sa Iran sukad nagsugod ang tensyon.
Photo Courtesy: Arab news
