Gihisgutan na sa Senado ang sugyot nga nagbawal sa mga paryente sa public official hangtod sa Fourth Degree of Consanguinity and Affinity nga musulod o muapil sa mga government contracts.
Sa pagdungog sa Senate Subcommittee on Civil Service, Government Reorganization and Professional Regulation nga gipamunoan ni Senator Chiz Escudero ang nabusisi kung hangtod asang degree sa paryente nga ipatuman ang pagbawal sa pagsalmot sa mga proyekto sa gobyerno.
Gitumbok sa sugyot ang mga paryente sa kalihim sa ahensya, heads sa procuring entity, myembro sa governing board, uban pang public officer o empleyado nga may responsibilidad sa policy-determining, supervisory, o managerial functions, ingon man ang mga anaa sa military ug uniformed personnel.
Apil usab sa mga opisyal nga gibawal ang mga paryente sa bawal sa mga government contracts ang mga elected officials sama sa mga mayors, vice mayors, governors, kongresista, senador ug bisan na sa ehekutibo.
Pagpasabot ni Escudero, maong hangtod sa fourth degree sa paryente ang gibawal nga makasulod sa mga proyekto sa gobyerno tungod mas layo, mas taas ang risk o pelegro nga daganan sa mga nasampit ang obligasyon sa mga gisulod nga kontrata sa gobyerno
Photo Courtesy: x
