Opisyal nga giabrihan ang programa sa Historical Walk isip kabahin sa pagsaulog sa ika-28 Charter Day sa syudad, nga gipahigayon sa main lobby sa City Hall niadtong Marso 2, 2026.
Dinhi adunay photo exhibit nga nagpakita sa mga partisipante paglantaw ug pagdayeg sa mga hulagway ug materyales sa mahinungdanong mga yugto sa kasaysayan sa syudad kung asa magpadayon ug abli alang sa publiko hangtod Marso 30, 2026.
Gisugdan ang kalihokan pinaagi sa mainiton nga panimbaya ug mensahe ni Renato “Datu Makayuba” S. Sumbongan, Provincial Board Member ug IPMR, diin iyang gipasiugda ang kamahinungdanon sa paghinumdom ug pagsaulog sa kasaysayan sa dakbayan isip pundasyon sa pagkakilanlan sa komunidad.
Sa mensahe ni City Mayor Jay Warren R. Pabillaran, gi-awhag ang tanang katawhan sa paghatag og bili sa kabilin sa syudad ug sa aktibong pag-apil sa pagpreserbar sa kasaysayan niini alang sa umaabot nga mga henerasyon
Ang kalihokan nagtumong isip usa ka makahuluganon nga pahinumdom nga ang kasaysayan sa syudad usa ka gipaambit nga panaw nga nagpadayon sa paghulma sa pagkahimugso ug kaugmaon niini.
Nasayrang sa wala pa pormal giabrihan ang unang kalihokan sa maong kasaulogan nagpahigayon sa pamuhat sayo sa kabuntagon sa maong adlaw.
