Boluntaryong mitahan ang duha (2) ka salin sa New People’s Army nga naglihok sa Bukidnon ug Agusan del Sur didto sa tropa sa 1st Special Forces (Hunter-Killer) Battalion sa 4th Infantry (Diamond) Division, Philippine Army niadtong Pebrero 21, 2026, sa Barangay Mampayag, Manolo Fortich.
Giila ang mga misurender nga sila si Jhon Jhon Bokdawan Atipan, alyas Wowie ug Doms, ug Winalyn Lucdayan Saplidan, alyas Marita, kung asa ubos na karon sa kustodiya sa 1SFB alang sa dokumentasyon, validation, ug assessment, ug sa mga pamaagi aron madeterminar ang ilang eligibility alang sa Enhanced Comprehensive Local Integration Program (ECLIP).
Si Captain Bilver F Butale, Civil-Military Operations Officer sa 1st Special Forces Battalion, miabi-abi sa mga misurender ug mipasalig kanila sa suporta sa yunit sa tibuok proseso sa reintegrasyon.
Gisubli sab ni Brigadier General Seigfred C. Tubalado, Commander sa 403rd Infantry Brigade, ang panawagan sa nahabiling mga sakop sa CTG nga biyaan ang armadong pakigbisog ug mobalik sa sabakan sa balaod.
Samtang, si 4ID Commander Major General Michele B. Anayron Jr. miingon nga ang pagsurender nagpasiugda sa padayon nga paghuyang sa impluwensya sa CTG diin ang sustained military operations gisuportahan sa tibuok nasud nga mga interbensyon nga nagtubag sa mga hinungdan sa insurhensya.
Photo Courtesy: 4thID, PA
