Tingkagol karon sa selda sa kapolisan ang tulo ka magsuon human gidakop tungod sa giingong illegal nga pagsulod sa luna nga gipanag-iyahan sa gobyerno niadtong Pebrero 21, 2026 sa Purok-5, Barangay Dalwangan, Malaybalay City.
Ang maong dapit gidumala sa National Beef Cattle Research and Development Center (NBCRDC) nga giangkon sa mga dinakpan sila Alyas Bon, Alyas Tam-tam ug Alyas Loloy mga hingkod ang pangedaron ug pulos mga lumad residente sa Sitio Kibuwa, Barangay Impalutao, Impasug-ong.
Sa esklusibong pakighinabe sa Juander Radyo Malaybalay ngadto ni Police Captain Sheila Joy Hangad Spokesperson sa Bukidnon Police Provincial Office nga niadtong tungora anaa ang mga kapulisan ug opisyal sa barangay, apan pugsanong gihapon misulod ang mga suspetsado pinaagi sa pagguba sa perimeter fence sa lugar, pagkahuman, dali silang nagtukod og mga temporaryong barong-barong sa sulod sa maong luna.
Bisan pa man og gimandoan na sa mga awtoridad nga mobiya sa dapit, nagdumili ang maong magsuon sa paghawa kinsa giingong walay gihuptan nga bisan unsang legal nga dokumento nga magpamatuod sa ilang katungod sa yuta.
Dugang pa Captain Hangad, nasayran nga maong magsuon kabahin sa gibana-banang kapin sa 20 ka mga tawo nga dungan nga misulod sa luna. Giingong migamit ang grupo og pagpanghulga ug armado usab sa mga lampas aron hadlokon ang mga nagdumala sa dapit.
Gipaabot pa sab ang desisyon sa tagdumala sa NBCRDC kung pormal ba nga mopasaka og kaso batok sa mga dinakpan
Photo Courtesy: Malaybalay City Police Station
