Gisalikway sa International Criminal Court (ICC) Prosecution ang hangyo ni kanhing Philippine President Rodrigo Roa Duterte nga dili na moapil sa confirmation hearing sa korte.
Giingon sa Prosecution nga walay rason nga makatarunganon nga dili siya moapil personal sa korte ug dili siya tugutan nga mag-unilaterally excuse sa proseso.
Usa sa sentrong isyu mao ang physical ug mental health ni Duterte. Samtang gihulagway sa kanhi pangulo ang iyang kaugalingon nga tigulang, kapoy, ug huyang, giingon sa Prosecution nga kini irrelevant base sa bag-ong medical evaluations.
Usa ka expert panel nagkonklud nga si Duterte fit, competent, ug physically ug mentally capable sa pag-apil sa hearing.
Giingon sa Prosecution nga si Duterte dili kasaligan sa pagreport sa iyang kahimtang sa panglawas ug gi-highlight nga ang iyang kalit nga hangyo nga dili moapil supak sa iyang kaniadto nga reklamo nga wala siya makita sa korte sulod sa napulo ka bulan.
Gipasiugda sa Prosecution nga importante ang presensya ni Duterte dili lang pormalidad, apan significant milestone para sa mga biktima sa kaso. Giingon usab nga ang hearing kinahanglan open sa publiko ug makita si Duterte samtang nagdepensa sa criminal charges.
Ang Pre-Trial Chamber karon ang mag-desisyon kung adunay igo nga rason aron ipadayon ang hearing bisan wala si Duterte. Kung mouyon ang Chamber sa Prosecution, posible nga manduan siya nga moapil personal sa korte sa sunod semana.
Photo Courtesy:ICC
