Gipatugpa sa Tren nga nagdagan ang usa ka Eroplano sa Italyanong piloto nga si Dario Costa,usa ka delikado ug makasaysayanong kalampusan sa aviation nga gihimo.
Matod nga gigamit sa lalaki ang iyang Zivko Edge 540 nga eroplano, hingpit nga natugpa ni Costa ang sakyanan sa usa ka gamay nga runway sa katapusang bagon sa tren, sa wala pa siya molupad pag-usab. Sumala ni Costa, kini ang labing lisud ug delikado nga proyekto sa iyang tibuok karera. Samtang gihimo ang stunt, ang tren nagdagan sa gikusgon nga 120 kilometros matag oras (75 mph).
Tungod sa anggulo sa pagkanaog sa eroplano ug sa katulin sa tren, ang senaryo nahimong “blind landing” diin ang piloto literal nga dili makakita sa iyang landing spot. Si Costa nagsalig lamang sa iyang kahanas sa panghunahuna, instinct, ug grabe nga pokus aron matul-id ang alignment sa eroplano.
Gawas sa dili pagtan-aw sa landing spot, ang piloto kinahanglan usab nga makigbatok sa grabe nga turbulence ug nagbag-o nga hangin sa naglihok nga tren. Si Costa nag-tuon na alang niini sukad niadtong 2024.
Tungod kay imposible ang pag tuon sa nagdagan nga tren, migamit sila og mga advance nga teknolohiya sa simulation ug kontrolado nga mga rehearsal sa yuta. Sa katapusan, malampuson ang touchdown, gisundan dayon sa usa ka impresibong vertical pull take-off.
Photo Courtesy:Philstar News
