Nakulbaan ug natingala ang mga fans sa Chinese livestreamer nga nailhan sa ngalan nga “Your Highness Qiao Biluo” human kalit mapakita ang iyang tinuod nga nawong atol sa usa ka live broadcast tungod sa technical problem.
Daghang viewers ang nagtuo nga usa siya ka batan-on ug glamorosa nga babaye tungod sa beauty filter nga pirmi niyang gigamit sa iyang mga video sa Douyu platform, diin adunay kapin sa 100,000 ka followers. Gidayeg usab siya sa iyang “sweet ug kalma nga tingog,” ug may pipila pa gani nga fans nga nagpadala og dagkong kantidad nga salapi isip regalo.
Atol sa usa ka joint livestream niadtong milabayng bulan, gihangyo siya sa mga viewers nga tangtangon ang filter apan mibalibad siya. Matud pa niya, ipakita ra niya ang iyang nawong kung makadawat siya og mahalon nga gifts.
Padayon gihapon ang pagdonate sa mga fans, apan kalit napalong ang filter ug mitungha sa screen ang iyang tinuod nga hitsura, hinungdan nga daghang VIP members ang mihawa sa stream.
Human sa insidente, mikunhod ang iyang followers ug nakadawat siya og daghang kritisismo online. Ang insidente nagdala og dakong diskusyon bahin sa transparency ug authenticity sa mga livestreaming platforms.
Photo Courtesy: UNKNOWN FACTS
