Gikompirma sa retiradong boxing champion nga si Manny Pacquiao nga iyang ikasangka si kanhi junior welterweight world champion Ruslan Provodnikov sa usa ka exhibition fight nga mahitabo karong Abril 18 sa Las Vegas.
Mao na kini ang ikaduhang away ni Pacquiao sukad mibalik sa boksing human sa iyang pagretiro. Katapusang nakaaway ang 47-anyos nga boksidor niadtong Hulyo sa miaging tuig, dihang ang iyang bakbakan batok sa WBC welterweight champion Mario Barrios natapos sa majority draw.
Matud pa ni Pacquiao, sa matag away nga iyang apilan, dala niya ang bandera sa Pilipinas, ug dako kaayo ang inspirasyon nga iyang nadawat gikan sa suporta sa mga Pilipino sa tibuok kalibutan.
Ang eight-division world champion adunay rekord nga 62 ka daog, 8 ka pildi, ug 3 ka tabla sa iyang 73 ka away. Samtang ang 42-anyos nga Provodnikov adunay rekord nga 25 ka daog, 5 ka pildi, ug 18 ka knockout sa miaging bakbakan.
Photo Courtesy: Gulf News
