Padayong ang nasud sa Japan sa pagpaabot ug tabang sa pangisdaan ngadto sa hilit nga Natuna Islands sa Indonesia, nga nahimutang sa habagatang bahin sa South China Sea, aron mapugngan ang impluwensya sa China sa maong lugar.
Ang exclusive economic zone sa Indonesia palibot sa mga isla adunay bahin nga nag-overlap sa katubigan nga sakop sa “nine dash line” nga unilateral nga giangkon sa China, usa ka kontrobersyal nga maritime boundary nga naglangkob sa South China Sea.
Pinaagi sa Japan International Cooperation Agency (JICA), nagplano sa paghatag og tabang alang sa pagpalambo sa usa ka fish market sa Ranai, ang sentrong syudad sa Bunguran Island, nga mao ang pinakadako sa Natuna Islands.
Matod ni Hadi Suryanto, ang nangulo sa lokal nga fisheries department, ang mga residente sa isla naghinamhinam sa bag-ong merkado, tungod ang kasamtangang merkado gamay ug kulang sa maayong drainage facilities.
Ang ahensya nga gipanag-iya sa gobyerno sa Japan nagplano sa paghatag og mga 88 bilyon Indonesian rupiah, o mga 800 milyon yen, isip grant aid alang sa plano nga fish market.
Ang proyekto, nga tumong nga mapabuhi pag-usab ang lokal nga ekonomiya, naglakip sa pagtukod og merkado nga adunay wharf, cold-storage facilities, ug ice-making equipment sulod sa mga usa ka tuig.
Photo courtesy: lonelyplanet.com
