Tungod sa kanunay nga pagsaka sa presyo sa produktong petrolyo , ang transport group nga Pasang Masda pormal nga nilihok aron iduso ang peso nga provisional increase sa pletehan sa jeep. Matod ni Obet Martin, ang presidente sa maong grupo, gihangyo nila nga himuong Php14 ang plete gikan sa kasamtangang Php13.
Kini nga lakang gihimo aron matabangan ang mga drayber nga nag-antos na sa gamay nga kita tungod sa sunod-sunod nga oil price hike sa milabayng mga semana.
Gipasabot ni Martin nga temporaryo lamang kini nga hangyo samtang gipaabot nga mokalma ang presyo sa gasolina sa merkado.
Nanawagan usab ang grupo og pagsabot gikan sa mga pasahero tungod kay nasayod sila nga dugang kini nga palas-anon sa inadlaw-adlaw nga gasto sa publiko.
Kon maaprubahan sa LTFRB, gilauman nga kini adunay epekto sa inflation ug sa operating costs sa mga trabahante ug gagmayng negosyante karong 2026.
Samtang naningkamot ang nasod sa pagpalambo sa ekonomiya, ang presyo sa lana nagpabiling usa sa mga hagit nga giatubang sa sektor sa komersyo ug transportasyon.
Photo Courtesy:saksipinas
