Nagpabilin ang headline inflation rate sa probinsya sa Bukidnon sa 2.1 percent niadtong Enero 2026, parehas sa rekord sa Disyembre 2025, sumala sa pinakabag-ong datos sa Philippine Statistics Authority. Niadtong Enero 2025, ang inflation rate miubos sa -1.9 percent.
Base sa datus gipagula sa Philippine Statistics Authority (PSA) , naobserbahan ang mas paspas nga tinuig nga pagtaas sa mga presyo sa mosunod nga grupo sa palaliton sulod sa bulan, Food and non-alcoholic beverages: 1.1% gikan sa 0.5%, Housing, water, electricity, gas and other fuels: 3.2% gikan sa 3.0% Information and communication: 0.9% gikan sa 0.4%, Personal care and miscellaneous goods and services: 2.1% gikan sa 2.0%.
Nasayrang ang nag-unang tulo ka grupo nga nakatampo sa kinatibuk-ang inflation sa Enero 2026 mao ang: Housing, water, electricity, gas and other fuels — 25.7% share o 0.54 percentage points, Food and non-alcoholic beverages — 23.3% share o 0.49 percentage points, Restaurants and accommodation services — 16.3% share o 0.34 percentage points,
Samtang ang tinuig nga pagkunhod sa presyo nakita sa mga indeks sa: Utanon, tubers, plantain, pagluto nga saging ug pulses — 4.9% annual drop gikan sa 23.9% niadtong Disyembre 2025, Flour, bread and other bakery products, pasta products, and other cereals — 0.2% annual drop gikan sa 0.7% sa miaging bulan
Miambit sab ang food inflation og 12.6 percent o 0.26 percentage points sa kinatibuk-ang inflation niadtong Enero 2026
Nagpakita ang datos nga samtang nagpabilin ang overall inflation sa Bukidnon, adunay pagbag-o sa presyo sa mga konsumidor goods nga nakahatag og lain-laing epekto sa household spending.
Photo Courtesy: PSA BUKIDNON
