Padayon ang pag-uswag sa Malaysia sa pagpaubos sa poverty rate sa tuig 2026, sumala sa mga target ug pinakabag-ong datos sa ilang gobyerno. Gilauman nga hapit na mawagtang ang hardcore poverty o grabe kaayo nga kakabus, ilabi na human ipahayag sa administrasyon nga tumong nilang tapuson kini sa unang bahin sa 2026.
Sa mga miaging tuig, mikunhod ang national poverty rate sa Malaysia ngadto sa kapin 5 porsyento, usa ka timailhan nga daghang pamilya ang nakaalsa sa kahimtangan sa kinabuhi.
Bisan pa niini, gihisgutan sa mga opisyal nga labaw sa usa ka milyon ka Malaysians gihapon ang nagpuyo ubos sa poverty line, ilabi na sa pipila ka rural ug layong mga estado.
Gipunting sa gobyerno nga nagpadayon ang ilang mga programa sama sa cash assistance, job creation, ug skills training aron mas daghang mamamayan ang makakita og lig-on nga panginabuhian.
Giila usab nga dakong hagit ang pagsaka sa presyo sa palaliton ug gasto sa panginabuhi. Samtang karong 2026, gilauman nga magpadayon ang pagkunhod sa poverty rate sa Malaysia kung magmalampuson ang panaghiusa sa gobyerno, pribadong sektor, ug komunidad.
Apan giingon sa mga eksperto nga gikinahanglan gihapon ang malungtarong mga solusyon aron masiguro nga walay mabiyaan sa kalamboan sa nasud.
Photo courtesy : The Edge Malaysia’s Post
