Gipadayag sa PNP nga mas pahugtan pa nila ang kampanya batok sa ilegal nga online sabong o e-sabong sa nasud. Matod kang PNP Chief Police General Jose Melencio Nartatez Jr., magpabilin nga prayoridad sa kapulisan ang pagpahunong sa tanang matang sa ilegal nga sugal.
Segon sa PNP nga gimandoan na ang mga police commander hangtod sa city ug municipal level nga motabang sa Anti-Cybercrime Group sa pagdakop sa mga nagpadagan sa e-sabong. Bisan og gidili na ang e-sabong sukad 2022, namonitor sa mga awtoridad nga adunay mga operator nga nagpadayon sa gitawag nga “guerrilla” operations online.
Gimando usab ni Nartatez sa mga yunit sa pulisya nga subayon ang mga livestream, ilhon ang mga operator nga naggamit og VPN ug offshore hosting services, ug magtigom og impormasiyon alang sa coordinated cyber and ground operations. Giawhag sa PNP ang publiko nga motaho og impormasyon kabahin sa e-sabong ug gipasidan-an ang mga pulis nga dili moapil sa bisan unsang ilegal nga operasyon.
Photo Courtesy: Unbox PH
