Ginatun-an karon sa buhatan sa City IMPR ang mga pamaagi aron nga makatabang nga masolbad ang problema nga ginaatubang sa katawhang lumad ilawom sa Sinunop Ancestral Domain ug nanimuyo sa Barangay FS Catanico sa syudad.
Kini may kalambigitan gihapon sa paghikaw sa mga miyembro sa tribu nga makaagi sa dalan ug luna nga ginadumalahan karon sa Pelaez Ranch nga makaapekto sa ilang panginabuhian ug adlaw-adlaw nga aktibidad.
Sumala pa ni Indigenous Peoples Mandatory Representative, Datu Roberto Cabaring nga padayon sab sa pagkolekta og dugang impormasyon ang ilahang buhatan labi na ang pagkuha sa mga concerns ug mulo sa tribu ug sa panig sa pamunuan sa Pelaez Ranch.
Dugang ni Datu Cabaring nga magpabilin silang tigpataliwala sa duha ka grupo ug gipaniguro nga nagahimo na sila og lakang aron mahatagan kini nga problema og kasulbaran pinaagi na sab sa ilang koordinasyon sa mga nalambigit nga ahensya sa gobyerno.
Photo courtesy: Cagayan de Oro City Information Office
