Hapit na mahuman ang pagpamakuna kontra tigdas ug rubella sa mga kabataan sa lungsod sa Lantapan nga gipangunahan sa Rural Health Unit (RHU) Lantapan uban sa suporta sa Department of Health (DOH) ug LGU Lantapan, kung diin sumala sa datos sa DOH, adunay 7,388 ka target nga mabakunahan sa maong lungsod.
Sa eksklusibong pakighinabi sa Juander Radyo Malaybalay kang Dr. Josefa Arlita Alsula, gipadayag niya nga 6,732 na ka populasyon ang nahuman na og bakuna, nga naglangkob sa 77.69 porsyento sa kinatibokang target. Apan kung kabataan lamang ang hisgutan, nakaabot na kini sa 94.6 porsyento nga completion rate.
Gikabutyag usab ni Dr. Alsula nga bisan pa man sa lagpas pulo ka adlaw nga padayon nga pagpamakuna sa lungsod, nakasinati sila og pipila ka mga kalisod. Lakip na niini ang pipila ka ginikanan nga dili mosugot nga mabakunahan ang ilang mga anak, ingon man ang kalay-on sa ubang mga barangay nga halos lisod na maadtuan sa vaccination teams.
Dugang pa niya, adunay na siyam (9) ka barangay sa Lantapan ang nahuman na gyud sa pagpamakuna, lakip ang Barangay Baclayon, Bantoanon, Balila, ug uban pang mga barangay sa lungsod.
Padayon ang panawagan sa RHU Lantapan ug DOH sa mga ginikanan nga suportahan ang programa sa pagpamakuna aron mapanalipdan ang mga kabataan batok sa delikadong sakit sama sa tigdas ug rubella, ug aron makab-ot ang hingpit nga herd immunity sa komunidad.
Photo Courtesy: Pew Research Center
