Gisuspenso og usa katuig si Minglanilla Mayor Rajiv Enad, Bise Mayor Lani Peña, ug mga konsehal sa munisipalidad tungod sa kaso mahitungod sa reklamo sa Barangay Napo ug Guindaruhan diin nakitaan og liki sa yuta ug gituohang naghatag og risgo ngadto sa mga residente sa posibleng pagdahili sa yuta.
Ang suspension order nadawat sa mayor Pebrero 2, 2026. Tungod sa maong suspension, molingkod isip officer-in-charge sa posisyon sa mayor si first councilor Lheslen Enad samtang ang sa posisyon sa Vice Mayor lingkuran una ni Mulot Laput.
Sa kasamtangan, magpabiling bakante ang tanang pwesto sa mga konsehal sa tibuok tuig gawas kung aduha na’y kamanduan sa paghulip niini.
