Tagak sa kamot sa kapulisan ang usa ka drug suspect human kining nasikop sa gipahigayong drug buy-bust operation sa Purok 6, Brgy. Poblacion, Sibutad, Zamboanga del Norte niadtong nakalabayng adlaw.
Giila ang dinakpan nga si alyas Dodoy, 30-anyos, ulitawo, construction worker ug residente sa Purok Esmeralda, Brgy. Ilaya, Dapitan City, kinsa nalista usab isip Street level Individual sa Drug’s Watchlist.
Nasakmit gikan sa dinakpan ang upat ka gagmayng pakete sa shabu nga motimbang ug 2 ka gramo nga nagkantidad ug Php13,600.00.
Dugang nasakmit ang 500 peso bill nga buy bust money ug uban pang mga non-drug item.
Sa kasamtangan ang supetsado anaa na sa Sibutad Municipal Police Station ug mag-atubang sa kasong paglapas sa RA 9165 kon Comprehensive Dangerous Drugs Act of 2002 ug ang mga nakumpiska nga mga ebidensya ang giturnover ngadto sa ZN Provincial Forensic UNIT-9 alang sa Chemical Examination.
Photo Courtesy: Sibutad MPS
