Herido el un persona,despues con este supla de tiro el riding en tandem, mientras ta toma este tuba na compound del su residencia na Purok 5 Barangay Sangali en este ciudad, en particular na sangali national high school, pasada alas 10 del noche Enero 31,2026
Con el victima ya identifica como si fernando barredo y aizon, alyas “ Opie” 49-anyos hombre y residente del mencionao lugar.
Na inisyal report ta aparece, mientras ta sinta este apuera del su casa, derefente asegun ya aparece el maga desconocido riding en tandem, y sin provocacion ya supla de tiro con el victima.
Despues el crimen, enseguidas ya escapa el maga echor na desconocido direccion. Mientras el victima ya sustene 3 tupada de bala na su detras y este maga tiemo bajo pa na curada medical.
Ya recubri na crimen 5 capsula de alegao calibre .45, mientras el otoridad ta continua pa el mas del investigacion sobre con el mencionao sanggrino crimen. Y durante el sin des canso hot-pursuit operation del maga otoridad, exito ya puede aresta con el uno na maga suspechao.
