Gilauman nga mas mapadali ang aplikasyon sa Assistance to Individuals in Crisis Situation (AICS) sa dihang ma-institutionalize na kini, sumala sa Senate Committee on Social Justice, Welfare, and Rural Development.
Gibutyag ni Senator Erwin Tulfo, chairman sa komite, nga ilimita na lamang sa duha ang pangayuon nga requirements aron makadawat ug ayuda. Kung naospital ang aplikante, ang kinahanglan isumite mao ang hospital bill ug valid ID. Kung namatayan ang miyembro sa pamilya, hospital bill sa punerarya ug ID na lang ang ipresentar.
matod ni Tulfo. Giingon pa niya nga sa higayon nga hingpit nang mahimong balaod, dili na magbaton ug kahigayunan ang mga politiko nga manghilabot sa AICS tungod ang mga tawo ang direktang mangayo ug tabang sa Department of Social Welfare and Development (DSWD).
Sa pagdungog sa komite, giyaayos usab ni Tulfo ang DSWD sa pagdawat ug ayuda alang sa mga katutubo, hilabina sa pipila ka lugar nga walay birth certificate ug ID ang mga indigenous people, hinungdan nga wala sila nakadawat sa ayuda gikan sa gobyerno.
Gikalampag usab sa senador ang Philippine Statistics Authority (PSA) aron paspasan ang pag-release sa physical ID card nga usa sa mga mahimong requirements sa AICS.
Ang maong reporma sa AICS gilauman nga makapadali sa pag-abot sa ayuda sa mga nagkinahanglan ug mapugngan ang politikal nga panghilabot sa programa.
