Human namatikdan sa Land Tranportation Office – syudad sa Valencia nga bisan sa pangpang-apod-apod ug mga Plate number sa nakalabayng tuig 2025 daghan gihapon nga mga motorsiklo ang nagdagan nga walay plate number busa ang City Traffic and Transportation Management Division (CTTMD) gimanduan sa istriktong pagpatuman sa “NO PLATE, NO TRAVEL” Policy sa public roads sa syudad pinasikad sa (M.O No. 032 Series of 2026.)
Kini ang gibutyag ni CTTMD Education Officer Neil Gonzaga sa pakighinabi sa Juander Radyo Malaybalay, diin epektibo sugod karong adlawa Huwebes Enero 29, 2026, pagasugdan ang strikto nga pagdakop ug pag-apprehend sa tanang motor vehicles nga walay plaka o naglapas sa maong polisiya
Pahinumdum sa tanang motor vehicles nga nagdagan sa public roads nga kinahanglan, duly registered, ug nakadisplay ang hustong issued license nga plaka.
Nanghinaot karon ang buhatan sa kooperasyon sa tanang motorista alang sa mas luwas, hapsay, ug disiplinadong dalan sa Valencia City
Photo Courtesy: Valencia City Government
