Gipaabot sa Department of Energy nga mosaka ang presyo sa petrolyo sunod semana tungod sa tensiyong geopolitikal sa Iran.
Sumala ni Rodela Romero, Assistant Director sa Oil Industry Management Bureau, base sa upat ka adlaw nga trade monitoring sa Mean of Platts Singapore, posibleng mosaka ang gasolina og ₱0.60 kada litro, diesel og ₱1.35 kada litro, ug kerosene og ₱1.00 kada litro.
Dugang pa ni Romero, wala pay labot sa maong tantiya ang operating costs ug ubang premium nga posibleng modugang og ₱0.40 hangtod ₱0.50 kada litro.
Ang pagsaka sa presyo, sumala sa DOE, nagsugod niadtong Lunes hangtod Miyerkules tungod sa kagubot sa Iran, diin milusad sa kadalanan ang liboan ka katawhan sa ilang protesta batok sa clerical system sa nasud.
Photo Courtesy: Philippine News Agency
