Gipanghingusgan ni Senador Risa Hontiveros ang pagbawal sa mga myembro sa political dynasty ug mga kontraktor sa proyekto sa kagamhanan nga mahimong Party-list Representative.
Ubos sa Senate Bill 1656, gipasaka ni Hontiveros nga dili gamiton ang party-list system isip raket sa mga anaa sa political dynasty ug mga kontraktor.
Ubos sa Party-List System Act, did-an ang political dynasties sa pakiglambigit sa party-list system lakip sab sa mga party-list nominees ug representatives nga adunay interes sa mga government contracts.
Gawas niini, dili sab tugotan ang pagparehistro isip party-list organization nga mogamit sa mga pangan sama sa radyo ug tv program, ayuda kun mga government assistance programs, ug mga pangan sa mga public official lakip ang mga celebrities. Bawal sab kung ang grupo alang sa usa ka relihiyon o sekta labi na kung gipondohan kini sa kagamhanan.
Pagpasabot ni Hontiveros nga tinguha sa maong lakang nga mabalik ang tinud-anay nga intension sa party-list system ug maprotektahan kini gikan sa pagpangabuso ug magarantiya nga ang marginalized sector ang adunay tinud-anay nga tingog sa kongreso.
Photo Courtesy: TheAsianParent Philippines
