Gipaubos na sa State of Calamity ang tibuok syudad sa lokal nga kagamhanan sa Cebu City human sa problema sa basura ug kahimtang sa kaluwasan tungod sa landslide sa Binaliw landfill niadtong Enero 8, 2026.
Sumala ni City Councilor Dave Tumulak kinsa kasamtangang nangulo sa Cebu City Disaster Risk Reduction ang Management Council, nahisgutan ang resolusyon kagahapong adlawa sa City Council atol sa ilang session aron matubag ang limitasyon sa paglabay sa basura, posibleng peligro sa hangin, ug ang padayon nga search and retrieval operations.
Gibutyag ni Konsehal Dave Tumulak nga wala’y hunong ang gihimong search and rescue operations. Hinuon, giangkon niya nga dako ang hagit sa mga responders tungod sa kalisod sa agianan ug ang risgo nga matrap ang mga rescuers kung mahagsa ang pundok sa mga basura.
