Upat ka magbabalaod ang nagsumite sa House Bill 7074 aron usbon ang Party-List System Act ug ibalik ang tinuod nga tuyo sa balaod: ang paghatag og tingog sa marginalized sectors sa Kongreso aron barugan ang ilang katungod.
Ang Senate Bill 1656 ni Sen. Risa Hontiveros, naglakip og anti-political dynasty provision, nga nagdili sa nominees nga paryente sa incumbent elective officials, ug nagbawal sa mga party-list groups ug nominees nga adunay kontrata sa gobyerno o konektado sa negosyo nga adunay ingon ani nga kontrata.
Gitinguha usab sa bill nga ipamugos sa Comelec nga kanselahon o i-deny ang registration sa party-list groups nga adunay ngalan nga makalibog sa publiko, sama sa TV/radio programs, government activities, o public figures. Ang mga grupo nga naapektuhan kinahanglan magparehistro og bag-ong compliant name sulod sa unom ka bulan.
Usa pa sa gitinguha sa HB 7074 mao ang pagtangtang sa three-seat cap aron masiguro ang proportional ug demokratikong representasyon sa party-list system. Ang mga authors sa bill mao sila Chel Diokno, Perci Cendaña, Dadah Ismula, ug Kaka Bag-ao.
Photo Courtesy: Manila Times
