Gibatikos sa North Korea ang Estados Unidos, gitawag kini nga “way konsensya” ug nagpasipala sa United Nations, ingon nga ang mga lihok sa Amerika naguba sa kredibilidad sa tibuok organisasyon.
Sa pahayag sa misyon sa Pyongyang sa UN sa New York, giakusahan nila ang US sa “grabe ka kriminal ang lihok” ug misaway ang North Korea sa plano sa US nga magpahigayon og briefing sa UN bahin sa alegasyon nga paglapas sa sanctions. Giingon nila nga ang angay hisgutan sa UN mao ang giingong lihok sa US, dili ang ilang alegasyon.
Ang gibuhian nga pulong sa North Korea nunot sa pagdakop sa Venezuelan President Nicolas Maduro, nga giila sa Pyongyang nga posibleng hulga sa ilang liderato.
Gibatikos usab nila ang Amerika sa pag-abuso sa UN alang sa kaugalingong interes, gitawag kini nga illegal ug immoral, ug nagpasipala sa UN alang sa unilateral ug selfish nga tumong.
Niining miaging semana, gipahibalo ni President Donald Trump nga ang US mobiya sa pipila ka UN organizations nga giingong supak sa interes sa nasud. Ang North Korea nagpabilin ilawom sa daghang UN sanctions tungod sa nuclear ug missile programs niini.
Photo Courtesy: Bloomberg.com
