Mabungahon ang resulta sa Bukidnon Police Provincial Office (PPO), ubos sa pagpangulo ni PCOL Oliver S. Navales, Provincial Director, atol sa Regionwide Simultaneous Anti-Criminality Law Enforcement Operation (SACLEO) isip kabahin sa Ligtas Paskuhan 2025
Ang operasyon gihimo sa pakig-alayon sa 20 ka Municipal Police Stations, 2 City Police Stations, ang BukPDEU, Tracker Teams, ug 2 ka Provincial Mobile Force Companies
Sa maong operasyon, nasikop ang 184 ka wanted individuals, nga naglakip sa 7 sa Top Most Wanted Persons sa probinsiya, samtang sa 36 ka buy-bust operations misangpot sab pagkasikop sa 45 ka indibidwal tungod sa paglapas sa RA 9165 o Comprehensive Dangerous Drugs Act of 2002, ug pagkakumpiska sa 256.462 gramos sa ilegal nga droga, nga adunay kantidad nga Php 1,743,928.00.
Samtang ang ubang mga operasyon sa pagpatuman sa balaod misangpot sa 15 ka indibidwal nga nadakpan tungod sa ilegal nga sugal, nga adunay nakumpiskang pusta nga Php 4,604.00, 45 ka indibidwal alang sa pagpayuhot og sigarilyo, nga adunay kantidad nga Php 1,528,788.00, 8 ka indibidwal tungod sa illegal logging, 2 ka indibidwal alang sa ilegal nga pagmina, 28 ka indibidwal alang sa ilegal nga pagpangisda
Gawas pa niini, 43 ka armas nga adunay expired o wala’y lisensya ang nakumpiska, na-recover, o boluntaryong gisumite sa kapulisan, samtang 7 ka indibidwal ang gidakop tungod sa kalambigit sa paglapas sa balaod may kalabutan sa armas.
Niining kalampusan, gipakita sa mga kapulisan sa Bukidnon PPO ang ilang dedikasyon sa serbisyo, ug abilidad sa pagpatuman sa balaod aron maprotektahan ang katawhan sa tibuok probinsiya.
