Nalambigit sa usa ka aksidente ang US snowboarding star nga si Chloe Kim samtang nagbansay sa Switzerland, nga nagbilin kaniya nga kuwestiyonable kon makaapil ba siya sa umaabot nga Winter Olympics sa Milan-Cortina.
Sa usa ka video nga iyang gi-post sa iyang social media account, giingon ni Kim nga nadislocate ang iyang abaga, hinungdan nga kinahanglan niya nga magpahuway ug magpadayon sa proseso sa pag-ayo.
Si Kim giplanong mosalmot sa women’s halfpipe sa Milan-Cortina Games nga magsugod sa Pebrero 11, apan hangtod karon wala pa klaro kon makapadayon ba siya sa kompetisyon.
Nailhan si Kim nga nakadaog og bulawang medalya sa 2018 PyeongChang Olympics sa South Korea sa edad nga 17-anyos, nga naghimo kaniya nga pinakabata nga kampeon sa halfpipe. Gisubli niya ang iyang kalampusan sa 2022 Beijing Games, diin nahimong unang babaye nga nakadaog og bulawang medalya sa halfpipe kaduha.
Photo Courtesy:Yahoo Sports
